Қазақстанның 16 жасқа дейінгі жасөспірімдер құрамасы Грузияның Батуми қаласында өткен Batumi Cup 2026 турнирінің финалында испаниялық «Вильярреалмен» кездесті.
Шешуші ойында қазақстандық футболшылар 0:3 есебімен жеңіліп, жарыстың жеңімпазы атана алмады.
Қазақстан құрамасы матчты Туран, Серік (капитан), Багытжан, Кригер, Абибулла, Бакыт, Ибатулла, Рустем, Бораналы, Бонет және Жанмурат құрамында бастады.
Айта кетейік, бұл екі команда турнир барысында бұған дейін де кездескен еді. Ол ойын 1:1 есебімен тең аяқталған.
Batumi Cup 2026 аясында Қазақстан құрамасы «Динамо Батумиді» 5:0 есебімен ұтты, «Иберия 1999»-бен 1:1 есебімен тең ойнады, ал жартылай финалда Тбилисидің «Динамосын» 2:0 есебімен жеңді.
