Қазақстандық боксшы Айсұлу Мүхит Черногорияның Будва қаласында өтіп жатқан 2026 жылғы жасөспірімдер арасындағы әлем чемпионатында алғашқы жекпе-жегін өткізді.
65 килограмға дейінгі салмақта 1/16 финалда Мүхит канадалық Мариан Тессьемен жұдырықтасты. Қарсыласын төрешілердің бірауыздан шешімімен жеңген қазақстандық спортшы келесі кезеңге жолдама алды.
Осылайша, Айсұлу Мүхит 1/8 финалға шықты, ал Мариан Тессье жарысты мерзімінен бұрын аяқтады.
Бұл жеңіс Қазақстан құрамасы үшін осы чемпионаттағы екінші табыс болды. Бұған дейін Владислав Саможонов 90 килограмнан жоғары салмақтағы алғашқы кездесуінде нокаутпен жеңіске жеткен еді.
