Қазақстандық боксшы Махмуд Сабырхан Жапонияда өтіп жатқан Азиада-2026 жарысында ширек финалда рингке көтерілді. Оның 55 келіге дейінгі салмақтағы қарсыласы оңтүстіккореялық Шин Джэ Ён болды.
Бірінші раундтың соңғы секундтарында төреші Шинге нокдаун санағанымен, ол есепке алынбады. Соған қарамастан, сол үш минутты төрешілер кореялық боксшыға 4:1 есебімен берді.
Екінші раундта басымдық Сабырхан жағында болды — бұл үш минут Қазақстан спортшысының пайдасына 3:2 есебімен аяқталды. Үшінші раундта Махмуд тағы да қарсыласын нокдаунға жіберді.
Жекпе-жек қорытындысы бойынша, Махмуд Сабырхан 3:1 есебімен жеңіске жетіп, финалға жолдама алды. Осы нәтижемен ол кем дегенде қола медальді өзіне қамтамасыз етті, ал Шин Джэ Ён жүлде үшін күресін аяқтады.
Айта кетейік, екі дүркін әлем чемпионы әрі Азия чемпионы Махмуд Сабырхан Азиададағы жорығын ирандық Мехди Каземиге қарсы жеңіспен бастаған еді. Ол ол айқаста төрешілердің бір ауыз шешімімен жеңіп, кездесудің барысында екі рет нокдаунға түсірген.
