Қазақстандық спорт шебері, халықаралық дәрежедегі спорт шебері Ермұхамед Аляйдар тоғызқұмалақтан Бухаресте өткен VIII әлем чемпионатында екі жүлде иеленді.
21-27 қыркүйек аралығында өткен жарыста ол блиц бағдарламасында барлық қарсыласын ұтып, әлем чемпионы атанды. Сонымен қатар, рапидте күміс медальға қол жеткізді.
Жарысқа 80-ге жуық мықты спортшы қатысты. Әлем чемпионатында Қазақстан, Қырғызстан, Өзбекстан, Түрікменстан, Түркия, Румыния, Словения, Испания, Чехия, Украина, Венгрия, АҚШ, Мексика және Оңтүстік Корея өкілдері бақ сынады.
Осылайша, Ермұхамед Аляйдар Бухарестегі додада Қазақстан қоржынына бір алтын және бір күміс медаль салды.
