Ирландиялық боксшы Аарон Маккенна мен британиялық Дензел Бентли орта салмақтағы IBF және WBO нұсқалары бойынша әлем чемпионы атақтарын біріктіру үшін жекпе-жек өткізуге келісті.
Журналист Майк Коппинджердің мәліметіне қарағанда, бұл кездесу 2026 жылдың соңында өтуі мүмкін. Қазір тараптар IBF пен WBO-ның ресми мақұлдауын күтіп отыр.
Аарон Маккеннаның көрсеткіші — 21 жеңіс, 0 жеңіліс, 10 нокаут. Ол IBF чемпионы атанғаннан кейін бұл белбеуді иеленді. Маккенна тамыз айының басында бос тұрған титул үшін италиялық Этиноза Олихуды жеңген еді.
Дензел Бентлидің рекорды — 22 жеңіс, 3 жеңіліс, 1 тең нәтиже, 18 нокаут. Бұған дейін ол WBO-ның уақытша чемпионы болатын, кейін толыққанды чемпион мәртебесін алды.
Айта кетейік, бұл салмақта бұрын IBF және WBO чемпиондық белбеулері қазақстандық Жәнібек Әлімханұлына тиесілі болған. Мельдонийге тапсырған сынамасы оң нәтиже бергеннен кейін IBF оның титулынан айырды. Ал WBO белбеуін Жәнібек екінші орта салмаққа ауысқаннан кейін өз еркімен босатқан.
