«Интер» клубы ресми сайтында «Ливерпуль» жартылай қорғаушысы Кёртис Джонстың ауысқанын хабарлады. Ойыншымен жасалған келісімшарт 2031 жылғы 30 маусымға дейін есептеледі.
«Бүкіл ғұмырын «Ливерпульде» өткізген жартылай қорғаушы алғаш рет туған елінен кетіп отыр. Ол Англия құрамасындағы әріптестері Джон Стоунз және Джед Спенске қосылып, «Интер» тарихындағы алтыншы ағылшын ойыншысы атанды. Енді оның алдында жаңа, ерекше сапар тұр. Бұл сапарға ол өмір бойы серік болған сеніммен қадам басады: Кёртис Джонс — «Интердің» жаңа ойыншысы», — делінген клуб хабарламасында.
Джонс «Ливерпуль» сапында барлық турнирде 228 матч өткізіп, 22 гол соқты және 25 нәтижелі пас берді. Ол «қызылдар» құрамында екі рет Англия чемпионы атанды.
Осы ауысым футбол тарихындағы ең қымбат трансферлердің бірі ретінде тіркелді.
