Румыниялық «Университатя Крайова» Кубок Румыниясының топтық кезеңінде «Волунтари»-мен тең ойнап, жеңілістен әрең құтылды. Бұл клуб алдағы уақытта Алматының «Қайратымен» Лига Конференцияларындағы жалпы кезеңде кездеседі.
Кездесуде «Крайова» алдымен гол жіберіп алды: 40-минутта қорғаушы Никола Стеванович допты өз қақпасына соғып алды. Алайда 84-минутта Симон Элисор пенальтиді дәл орындап, таразы басын теңестірді. Ойын 1:1 есебімен аяқталды.
Екі турдан кейін «Университатя Крайованың» еншісінде төрт ұпай бар. Бұған дейін команда «Бакэуды» 2:1 есебімен ұтқан еді. Сонша ұпай жинаған «Волунтари» да төрт ұпайда қалды, ал D тобында Бухарестің «Динамосы» алты ұпаймен көш бастап тұр.
Румыния чемпионатында бұл клуб соңғы матчында «Сепсиді» 5:0 есебімен ойсырата жеңді. Ал Лига Конференцияларында «Крайова» жалпы кезеңді испаниялық «Хетафеге» қарсы 1:1 есебімен бастап, кейін Андорраның «Интер Эскальдесін» 3:1 есебімен ұтты.
Румын клубы келесі ойынын 5 қарашада албандық «Эгнатияға» қарсы өткізеді. «Қайратпен» кездесу 10 желтоқсанда Қазақстанда өтеді.
