Шотландия футбол ассоциациясының атқарушы директоры Ян Максвелл ұйым ФИФА президенті Джанни Инфантиноға бұрын берген қолдауын қайтарып алғанын айтты. Бұған Инфантиноның әлем чемпионатына қатысты құқықтардың бір бөлігін сатуды ұсынуы себеп болған.
«Шотландия футбол ассоциациясының ұстанымы УЕФА-ға мүше 55 ассоциация өкілдерінің кездесуінен бері анық болды. Біз УЕФА мен 55 елдің ортақ ұстанымын қолдаймыз. Шотландия футбол ассоциациясы 2027 жылдың басындағы сайлауда Джанни Инфантиноға дауыс бермейді», — деді Максвелл BBC-ге.
Бұған дейін ФИФА FIFA Forward Enterprise (FFE) атты құрылым құру жоспарын жариялап, коммерциялық бағыттар мен турнирлерді ұйымдастыру ісін бір жүйеге біріктіретінін хабарлаған еді. Жаңа құрылымдағы үлестерді жеке инвесторларға ұсыну бастамасы УЕФА-ның наразылығын туғызып, әлем чемпионатын бойкоттау қаупі туралы да сөз болған.
Кейін ФИФА Инфантиноның мәлімдемесін таратып, жобаға қатысты келіспеушілік бар екенін мойындады және бұл ұсыныс жүзеге аспайтынын жеткізді.
