Қазақстандық теннисші Александр Бублик Ресейдің оны өз туы астына қайтаруға тырысқаны жөніндегі әңгімеге тоқталды. Ол бұл сөздің қайдан шыққанын білмейтінін айтып, жағдайға түсінік берді.
Бубликке Шамиль Тарпищевтің Қазақстан теннисі федерациясы басшылығына «Бубликты қайтар» деген мазмұнда хат жазғаны туралы сұрақ қойылды. Теннисші мұны өз әкесінің журналистерге айтқан әңгімесі екенін жеткізді.
«Бұл — менің әкемнің журналистерге айтқан оқиғасы. Сол сөзді жұрт іліп әкетіп, шындық ретінде таратып жіберді. Мүмкін, ол рас болған да шығар. Бірақ мен өзім соның қасында болған жоқпын», — деді Бублик.
Ол Шамиль Тарпищевпен тікелей байланыс болмағанын да атап өтті. Бубликтің айтуынша, екеуі шамамен 10 жыл бойы көріспеген, ал соңғы рет өткен жылы Питердегі «Северная Пальмира» Трофейі кезінде жолығысқан.
Александр Бублик 2016 жылы ресми түрде Қазақстан туы астына өткен. 2026 жылдың қаңтарында ол Гонконгтегі турнирде чемпион атанып, Қазақстан ерлер теннисінің тарихында алғаш рет ATP рейтингінің алғашқы ондығына кірді.
