weather Астана: --°C
weather Алматы: --°C
weather Шымкент: --°C
.
Мәзір
Серіктестер
17 қараша, 2026 / SportRoom / Жаңалықтар 36
Поделиться: WhatsApp Telegram Twitter Facebook

Софья Самоделкина мәнерлеп сырғанаудан әлемнің үздік ондығына кірді

Қазақстандық мәнерлеп сырғанаушы Софья Самоделкина әйелдер арасындағы жекелей сында алғаш рет әлемдік рейтингтің үздік ондығына енді. Ол бұл межеге Skate America кезеңіндегі өнерінен кейін жетті.

Софья Самоделкина мәнерлеп сырғанаудан әлемнің үздік ондығына кірді Софья Самоделкина мәнерлеп сырғанаудан әлемнің үздік ондығына кірді
Sports.kz

Қазақстандық мәнерлеп сырғанаушы Софья Самоделкина әйелдер арасындағы жекелей сында алғаш рет әлемнің үздік 10 спортшысының қатарына кірді. Ол бұл нәтижеге АҚШ-тың Эверетт қаласында өткен Skate America Гран-при кезеңінен кейін қол жеткізді.

Самоделкина рейтингте 13-орыннан 10-орынға көтерілді. АҚШ-тағы кезеңде ол бесінші орын алып, 320 рейтинг ұпайын еншілеп, жалпы көрсеткішін 2881 ұпайға жеткізді.

Эверетттегі жарыста қазақстандық спортшы қысқа бағдарлама қорытындысы бойынша 11-орында тұрды. Ол бұл бағдарламада 61,03 балл жинады.

Еркін бағдарламада Самоделкина төртінші нәтиже көрсетті — 137,56 балл. Жалпы есебі 198,59 балл болып, жарысты бесінші орынмен аяқтады.

Бұған дейін ол Канададағы Келоунада өткен Гран-при кезеңінде де бесінші орын алған еді. Ол кезде Самоделкина 206,89 балл жинаған болатын.

ISU әлемдік рейтингінің үздік 10-дығы: 1. Моне Тиба (Жапония) — 4412. 2. Алиса Лью (АҚШ) — 4248. 3. Ами Накаи (Жапония) — 3858. 4. Эмбер Гленн (АҚШ) — 3671. 5. Изабо Левито (АҚШ) — 3645. 6. Анастасия Губанова (Грузия) — 3409. 7. Лара Наки Гутманн (Италия) — 3356. 8. Нина Петрыкина (Эстония) — 3135. 9. Брэди Теннелл (АҚШ) — 2934. 10. Софья Самоделкина (Қазақстан) — 2881.

.

Көп оқылды:

.
.