Астананың «Барысы» ҚХЛ тұрақты чемпионатындағы үш сырт алаңдағы ойын алдында қатардағы екі хоккейшінің неге жоқ екенін хабарлады.
Клуб мәліметінше, қақпашы Владислав Нурек Қазақстан құрамасының сапында жүр. Ол ұлттық командамен бірге Азия чемпионатына дайындалып жатыр.
Ал қорғаушы Мади Диханбек қалпына келу үдерісін жалғастырып жатыр. Ол бұған дейін де астаналық команданың сырт алаңдағы алдыңғы сериясын өткізіп алған еді.
Сол ойындарда «Барыс» «Автомобилист», Минскінің «Динамосы» және «Шанхай Дрэгонс» клубтарымен кездескен болатын.
Енді астаналық команда 4 қарашада Челябідегі «Тракторға» қарсы матчпен сапарын бастайды. Одан кейін 6 қарашада Владивостокта «Адмиралмен», ал 8 қарашада Хабаровскіде «Амурмен» ойнайды.
