Поляк теннисшісі Ига Швентек Қытайдың Ухан қаласында өтіп жатқан турнирде маңызды межеден асты. Ол екінші айналымда жерлесі Магдалена Френхті 6:2, 6:1 есебімен ұтып, WTA 1000 санатындағы 149-жеңісіне қол жеткізді.
Осы нәтижемен Швентек америкалық аңыз Серена Уильямстың көрсеткішін жаңартты. Уильямстың бұл деңгейдегі турнирлердегі жеңістер саны 148 болатын.
Кездесу бір сағат 44 минутқа созылды. Швентек матч барысында басымдықты ерте алып, ойынды сенімді түрде өз пайдасына аяқтады.
Қазір ол WTA чемпиондық жарысында оныншы орында тұр және қорытынды маусымдық турнирге алғаш рет қатыспай қалу қаупі бар. Тікелей жолдама алу үшін оның кемінде жетінші орынға көтерілуі қажет.
Одиночный разрядтағы соңғы бір жолдама ғана бос қалды. Сондықтан Швентектің тағдыры Ухандағы WTA 1000 сериялы турнирді қаншалықты сәтті өткізетініне тікелей байланысты болып тұр.
