WTA рейтингінде алтыншы орында тұрған украиналық теннисші Элина Свитолина 2026 жылғы маусымның қорытынды турниріне қатысу құқығын иеленді.
Шешуші нәтиже Уханда өткен WTA-1000 жарысының екінші айналымында тіркелді. Свитолина ресейлік Людмила Самсонованы ұтып, жинаған ұпай саны 5036-ға жетті.
Осы көрсеткіш оның маусым соңына дейін сегізінші орыннан төмен түспейтініне кепіл болды. Сондықтан қалған бәсекелестердің нәтижесіне қарамастан, украиналық теннисші WTA Finals турниріне жолдама алды.
32 жастағы Свитолина үшін бұл — 2019 жылдан бергі алғашқы WTA қорытынды турнирі. Ол сол жылы жарыстың финалына дейін жеткен болатын.
Жалпы алғанда, Свитолина WTA Finals-қа мансабында төртінші рет қатысады. Бұған дейін ол 2018 жылы турнирдің чемпионы атанған.
Қазір жарысқа ресми түрде алты теннисші жолдама алды: әлемнің бірінші ракеткасы Елена Рыбакина (Қазақстан), Арина Соболенко, Мирра Андреева, Линда Носкова, сондай-ақ америкалық Джессика Пегула мен Коко Гауфф.
