Хорватияның Загреб қаласында өткен дзюдодан Гран-при жарысында Қазақстан өкілі Аман Бақытжан 60 келіге дейінгі салмақта алтын медаль үшін татамиге шықты. Финалда оның қарсыласы Қытай Тайбэйінен келген Ян Юнвэй болды.
Белдесу голден скорда аяқталды. Аман Бақытжан айқын басымдықпен басталып, 10:0 есебімен алға шыққанымен, қарсыласы таразы басын теңестіріп үлгерді. Шешуші сәтте қазақстандық дзюдошы үш шидо алып, кездесуді жеңіліспен аяқтады.
Турнир жолында Бақытжан алдымен үндістандық Харш Сингхті, кейін израильдік Ариэль Шульманды және украиналық Дилшот Халматовты тізе бүктірді. Жартылай финалда ол словениялық Давид Старкельді жеңіп, екі «юко» еншіледі.
Ян Юнвэй финалға француз Лука Мхеидзені ұтып жетті. Оның қоржынында Токио Олимпиадасының күміс медалі бар. Ал Аман Бақытжан бұған дейін осы маусымда Париждегі «Үлкен шлем» турнирінде қола жүлде алған еді.
