Ирандық грек-рим күресінің балуаны Фардин Хедаяти Астанада өтіп жатқан 2026 жылғы әлем чемпионатында 130 келіге дейінгі салмақта чемпион атанды.
Финалдық белдесуде ол венгриялық Дариуш Аттила Витекпен кездесіп, 8:0 есебімен мерзімінен бұрын жеңіске жетті. Хедаятиге әлем чемпионы атану үшін небәрі 42 секунд жеткілікті болды.
Венгр балуаны бұл айқаста бірде-бір ұпай жинай алмады да, күміс медаль иеленді.
Фардин Хедаяти финалға дейін Литваның өкілі Ромас Фридрикас, қазақстандық Олжас Сырлыбай, Қытайдан келген Цзян Вэньхао және Финляндия балуаны Элиас Куосманенді жеңіп өткен.
Әлем чемпионаты Астанадағы «Барыс Аренада» өтіп жатыр.
