Астаналық «Барыстың» канадалық қорғаушысы Джейк Масси Құрлықтық хоккей лигасының тұрақты чемпионатында қыркүйектің ең үздік қорғаушысы болып танылды.
Оған дейін Масси КХЛ маусымындағы алғашқы айды өте нәтижелі өткізді: 10 матчта 8 ұпай жинап, 3 гол соқты және 5 нәтижелі пас берді. Оның пайдалы әрекет көрсеткіші «+7» болды.
«Джейк Масси қыркүйекте 10 ойында 8 ұпай жинап, пайдалы әрекет көрсеткіші +7 болды және КХЛ-де алғаш рет айдың үздік қорғаушысы атанды», — деп хабарлады лига.
Канадалық хоккейші соққан екі гол жеңіс әкелді. Ол тольяттиндік «Лада» мен ярославльдік «Локомотивке» қарсы кездесулерде көзге түсіп, бұл матчтар «Барыстың» 6:0 және 5:0 есебімен ірі жеңісімен аяқталды.
Қыркүйек айында Масси 7 силовой қабылдау жасап, 22 соққыны бөгеді, сондай-ақ 3 рет шайба тартып алып, 3 рет қарсыласын тосып алды.
Айта кетейік, «Барыс» тұрақты чемпионаттағы соңғы ойынын 4 қазанда сырт алаңда өткізіп, Мәскеудің «Спартак» командасын буллит сериясында 4:3 есебімен жеңді.
