Ташкент қаласында ауыр атлетикадан жасөспірімдер арасындағы Азия чемпионаты жалғасуда. Жарыста қазақстандық спортшылар үздік нәтижелерін көрсетуде.
Қазақстандық ауыр атлеткер Ақжол Құрманбек 85 келіге дейінгі салмақ дәрежесінде алтын медаль иеленді. Екі жаттығу түрінің қорытындысы бойынша спортшы жалпы 358 келі (160+198) көтерді.
Осы салмақ санатында тағы бір қазақстандық — Ерасыл Саулебеков 351 келі (154+197) нәтижесімен қола медальға ие болды.
Өзбекстандық спортшы Хикматилло Хайдаров 357 келі (161+196) көрсеткішімен күміс медальды жеңіп алды.
Осылайша Қазақстан құрамасы бұл салмақ дәрежесінде Өзбекстан спортшысын артта қалдырып, алтын медальды еншіледі.
