Америка Құрама Штаттарында өтетін ірі WTA 1000 турнирінің құрамы белгілі болды. Ашық хард алаңында 13-23 тамыз аралығында өтетін жарысқа қатысушылардың ресми тізімін WTA ұйымы жариялады.
Тізімге сәйкес, қазақстандық теннисші Елена Рыбакина турнирдің екінші нөмірлі себілген ойыншысы болды. Бұл оның жеңіске жетудің басты үміткерлерінің бірі саналатынын білдіреді.
Бірінші нөмірді белорус теннисшісі Арина Соболенко иеленді. Топ-5 құрамына сондай-ақ америкалық Джессика Пегула мен Коко Гауфф, ресейлік Мирра Андреева енген.
Турнирдің негізгі кестесіне барлығы 96 теннисші жарысқа қатысуға өтінім берген. Жеребьевка 11 тамызда өтеді.
Цинциннати турнирі маусымдағы соңғы «Үлкен шлем» жарысы — US Open алдындағы ірі дайындық сайыстарының бірі болып саналады.
