Қазақстандық велошабандоз Анель Ташбай Дакарада (Сенегал) өтіп жатқан IV жазғы жасөспірімдер Олимпиадасында чемпион атанды.
10 қараша күні ол шосседегі жеке гонкада уақытқа жарысудан 11 минут 32,57 секунд көрсетіп, барлық қатысушының ішінде ең үздік нәтиже тіркеді.
Күміс жүлдені словак спортшысы Каролина Гайдукова иеленді — 11 минут 37,62 секунд. Ол қазақстандық спортшыдан 5,05 секундқа қалып қойды. Үшінші орынға ресейлік Ангелина Новолодская көтерілді — 11 минут 43,65 секунд.
Айта кетейік, екі күн бұрын, 8 қарашада, Ташбай топтық шосседегі жарыста жетінші орын алған еді. Ол сайыста 20 қатысушы бірдей уақытта — 1 сағат 31 минут 19 секунд нәтижесін көрсетті, ал жеңіс Новолодскаяға бұйырды.
Осылайша, Қазақстан құрамасының еншісінде Дакарада қазір үш медаль бар: екі алтын және бір қола. Алтынның бірін 52 килограмға дейінгі салмақта дзюдошы Фатима Супыгалиева жеңіп алса, триатлоншы Рамазан Айнегов қола жүлдеге қол жеткізді.
