Қазақстанның күрес құрамасындағы екі спортшы допинг ережесін бұзғаны үшін екі жылға жарыстардан шеттетілді.
Ұлттық антидопинг орталығының ресми тізіліміндегі мәліметке сәйкес, еркін күрес шебері Нұрсұлтан Садықтың сорғалау кезеңінде тапсырған сынамасынан кломифен табылған. Ол 2026 жылғы 22 қаңтардан 2028 жылғы 21 қаңтарға дейін спорттық жарыстарға қатыса алмайды.
Әйелдер күресінің өкілі Сабина Торейдің де сынамасынан сибутрамин анықталған. Соның нәтижесінде ол 2026 жылғы 4 тамыздан 2028 жылғы 3 тамызға дейін дисквалификацияға ұшырады.
Садық 65 келіге дейінгі салмақ дәрежесінде өнер көрсеткен. Ол 2024 жылы Таразда өткен Қазақстан кубогының жеңімпазы атанып, ел ішіндегі бірқатар жарыстарда жүлде алған.
Торей жастар деңгейінде сынға түсіп жүрген спортшы. Ол 2025 жылғы ересектер арасындағы Қазақстан кубогында қола медаль, 2026 жылы Таразда өткен 23 жасқа дейінгі ел чемпионатында күміс медаль иеленген, сондай-ақ Түркияда өткен «CHAMPIONS» халықаралық жастар турнирінде жүлдегер болған.
