Словакияның ŠPORT.sk басылымы футзалдан Чемпиондар лигасының негізгі раундындағы МФК «Лученец» пен қазақстандық «Семей» арасындағы матчқа ерекше назар аударды.
Кездесу Лученец қаласында өтіп, семейліктердің 6:0 есебімен ірі жеңісімен аяқталды. Бірінші таймда Ринат Түрегазин мен Педриньо гол соқты. Үзілістен кейін Родригиньо 29-минутта, Нұрсұлтан Пиялы 32-минутта, Дедезиньо 36-минутта және Чингиз Есенаманов 37-минутта нәтижені ірі есепке жеткізді.
Словакиялық басылым өз шолуында бұл ойынды «Жоғары деңгейдегі ауыр соққы» деп сипаттап, чемпионат иелерінің турнирді сәтсіз бастағанын жазды.
Мақалада «Лученец» негізгі раундтың 1-тобындағы алғашқы матчта қазақстандық клубтан ойсырай жеңілгені, ал екінші таймда небәрі сегіз минуттың ішінде төрт гол жіберіп алғаны атап өтілді.
