Sofascore.com Лига нациялары-2026/27 жарысының алғашқы туры бойынша символикалық құраманы ұсынды. Аталған тізімнен Қазақстан құрамасының қорғаушысы Темірлан Ерланов орын алды.
Ерланов бұл жетістікке Фарер аралдарына қарсы матчтағы голының арқасында жетті. Кездесу 1:1 есебімен аяқталған болатын.
Символикалық құрамада Марк-Андре тер Штеген (Германия) 9,3 ұпаймен қақпашы ретінде көрсетілді. Қорғаушылар қатарында Георгий Арутюнян (Армения) — 8,6, Ян Паул ван Хекке (Нидерланды) — 8,6 және Темірлан Ерланов (Қазақстан) — 9,1 бар.
Жартылай қорғаушылар сапына Лео Вальта (Финляндия) — 10,0, Лукас Михельбринк (Литва) — 8,8, Зеки Амдуни (Швейцария) — 9,7, Андрия Живкович (Сербия) — 8,5 және Лука Модрич (Хорватия) — 8,5 енді. Шабуыл шебінде Йоэль Похьянпало (Финляндия) — 9,2 мен Эрлинг Холанд (Норвегия) — 9,0 аталды.
