Қазақстанның ерлер құрамасы семсерлесуден XX жазғы Азия ойындарының алтын медалін жеңіп алды. Жарыс Жапонияның Аичи және Нагоя қалаларында өтіп жатыр.
Командалық жарыстың финалында қазақстандық семсерлесушілер Оңтүстік Корея құрамасымен кездесіп, 43:42 есебімен жеңіске жетті. Қуатты тартысқа толы бәсекеде жеңіс Қазақстанға соңғы сәттерде бұйырды.
Құрама сапында Вадим Шарлаимов, Ерлік Сертай, Кирилл Проходов және Руслан Құрбанов өнер көрсетті.
Осы нәтижемен Қазақстан ерлер арасындағы командалық шпагада Азия ойындарының чемпионы атанды, ал Оңтүстік Корея күміс медаль иеленді.
Айта кетейік, Жапониядағы Азия ойындары 4 қазанға дейін жалғасады.
