«Вуэльта Испания» көпкүндігінің тоғызыншы кезеңі жексенбі күні Вильяхойоса — Альто де Айтана бағыты бойынша өтіп, 187,4 шақырымға созылды.
Кезең жеңісіне испан велошабандозы Энрик Мас қол жеткізді. Ол мәреге 5 сағат 10 минут 40 секундта жетті. Екінші орынды британдық Оскар Онли иеленсе, үздік үштікті словениялық Тадей Погачар түйіндеді. Погачар жеңімпаздан 12 секундқа кейін келді.
«Астана» командасы үшін бұл кезең сәтті өтті: испан шабандозы Кристиан Родригес бесінші болып, көшбасшыдан 20 секунд қалып қойды. Колумбиялық Харольд Техада сегізінші орын алды, ол Масқа 33 секунд ұтылды.
Команданың өзге мүшелері кезеңді мына ретпен аяқтады: италиялық Лоренцо Фортунато — 58-орын (+19 минут 56 секунд), нидерландиялық Даррен Ван Беккум — 63-орын, италиялық Алессандро Ромеле — 105-орын (+24 минут 57 секунд), қазақстандық Евгений Федоров — 109-орын (+28 минут 12 секунд). Монаколық Виктор Ланджеллотти құлағаннан кейін жарысты жалғастыра алмады.
Жалпы есепте де Энрик Мас көш бастауын сақтап қалды. Оның нәтижесі — 28 сағат 34 минут 3 секунд. Тадей Погачар екінші орында, ол көшбасшыдан 1 минут 18 секундқа қалып келеді. Үшінші сатыда австриялық Феликс Галль тұр, оның артта қалуы — 1 минут 39 секунд.
«Астана» сапындағы ең үздік нәтиже Харольд Техадаға тиесілі: ол жалпы есепте сегізінші орында келеді және Масқа 4 минут 39 секунд ұтылған. Кристиан Родригес 13-сатыда (+9 минут 42 секунд), ал Евгений Федоров 121-орында (+1 сағат 41 минут 7 секунд) тұр.
