Бивол мен Смит айқасының уақыты мен өтетін жері белгілі болды
Дмитрий Бивол келесі жекпе-жегінде британдық Каллум Смитпен кездеседі. Титулдық айқас 12 желтоқсанда Екатеринбургте өтеді.
Жартылай ауыр салмақтағы әлемнің біріктірілген чемпионы Дмитрий Бивол келесі жекпе-жегін британдық боксшы Каллум Смитке қарсы өткізеді.
RCC Boxing Promotions пен Matchroom Boxing ұйымдары міндетті титулдық қорғау жекпе-жегін өткізуге келісімге келген. Айқас 12 желтоқсан 2026 жылы Екатеринбургтегі Русь мыс компаниясының үй аренасында өтеді.
Бұл кездесуде Биволдың WBO, WBA, IBF және The Ring белбеулері сарапқа салынады. Смит WBO титулының міндетті үміткері саналады.
Бивол соңғы рет 30 мамырда дәл осы Екатеринбургте шаршы алаңға шығып, IBF желісі бойынша міндетті үміткер неміс Михаэль Айфертті төрешілердің бірауызды шешімімен жеңіп, титулдарын сақтап қалған еді.
Каллум Смит соңғы жекпе-жегін 2025 жылғы ақпанда Эр-Риядта өткізді. Ол Бетербиев — Бивол реваншының андеркартында отандасы Джошуа Буатсимен 12 раундтық айқасқа шығып, төрешілердің бірауызды шешімімен жеңіске жетіп, WBO-ның уақытша әлем чемпионы атанды.
Бұдан кейін Смит 2026 жылғы сәуірде Давид Моррельмен жұдырықтасуы тиіс еді, алайда жарақатына байланысты шаршы алаңға шықпай қалды және содан бері жұдырықтасқан жоқ.