«Лех» Еуропа лигасының плей-оффында «Тунды» 7:0 есебімен талқандады
Польшадағы алғашқы ойында познаньдық «Лех» швейцариялық «Тунға» мүлде мүмкіндік бермей, 7:0 есебімен жеңіске жетті. Кездесудің тағдыры бірінші таймда-ақ шешілді.
Польктің «Лех» клубы Еуропа лигасының плей-офф кезеңіндегі алғашқы матчта өз алаңында швейцариялық «Тунды» ірі есеппен ұтты.
Познаньда өткен ойын 7:0 есебімен аяқталды. Қожайындар алғашқы таймда-ақ бес гол соғып, қарсыласын толық басымдықпен тізе бүктірді.
«Лех» сапында Патрик Волемарк 10 және 25-минуттарда дубль жасады. Сондай-ақ Аллахьяр Сайядманеш 20-минутта, Матеуш Скшипчак 31-минутта, Радослав Муравски 45-минутта, Даниэль Хоканс 47-минутта және Роберт Гумны 79-минутта гол соқты.
Қарымта кездесу 27 мен 28 тамызға қараған түні Швейцарияның Тун қаласында өтеді. Қос матч қорытындысы бойынша жеңген команда Еуропа лигасының жалпы кезеңіне жолдама алады, ал ұтылған ұжым Конференциялар лигасының негізгі раундына түседі.