Волкановски Евлоевпен жекпе-жектен кейін мансабын аяқтай ма деген сұраққа жауап берді
UFC чемпионы Александр Волкановски алдағы Мовсар Евлоевпен өтетін жекпе-жекке дейін болашағы туралы айтты. Австралиялық спортшы әзірге спорттан кетуді ойламайтынын жеткізді.
UFC-дің жартылай жеңіл салмақтағы чемпионы, австралиялық Александр Волкановски ресейлік Мовсар Евлоевқа қарсы өтетін титулдық айқас қарсаңында болашағы жайлы пікір білдірді. Бұл жекпе-жек 24 қазанда Абу-Дабиде өтетін UFC 333 турнирін бастайды.
«Егер бәрі мүлде нашар болып кетсе, онда жарайды, осымен аяқтаймыз. Ал егер бәрі алдыңғы жолдағыдай керемет өтіп, ешқандай жарақатсыз болса, әрі қарай жалғастырамыз. Мен әр жекпе-жекті сол сәтімен қабылдаймын. Өзіме адал болуға тырысамын, бірақ қазір спорттан кету туралы жоспарым жоқ. Жалғастыратынымызға сенімдімін», — деді Волкановски 10 News-ке берген сұхбатында.
37 жастағы спортшының кәсіби мансабындағы көрсеткіші — 28 жеңіс және 4 жеңіліс.