Britannia Burnley Express басылымының шолушысы Мэтт Скрафтон Қазақстан құрамасының шабуылшысы Дастан Сәтбаевтың Лондонның «Челси» клубынан «Бернлиге» жалға ауысуына баға берді.
Скрафтонның жазуынша, Сәтбаев 2024 жылы 15 жасында «Қайраттың» негізгі құрамасында дебют жасағаннан кейін клуб түсінде 41 матчта 21 гол соқты. Сондай-ақ ол Чемпиондар лигасында бес рет алаңға шығып, ұлттық құрама жасағында тоғыз матч ойнап, бір гол енгізген.
«Сәтбаев — орталық шабуылшы, бірақ екі флангта да ойнай алады. Жас футболшыны Франция құрамасы мен «Реал Мадридтің» жұлдызы Килиан Мбаппемен салыстырған, ал физикалық деректері бойынша — бойы небәрі 175 сантиметр екенін ескеріп — оны Серхио Агуэромен теңестірген», — деп жазды Скрафтон.
Ресми түрде Сәтбаевты «Челси» ойыншысы ретінде тек осы аптада таныстырғанымен, ол алдын ала дайындық кезеңінде бапкер Алонсоның қолында ойын уақытын алып үлгерген. Атап айтқанда, ол «Уэстерн Сидней Уондерерс» құрамасына қарсы кездесуде жақсы әсер қалдырып, гол соққан.
Сондай-ақ Сәтбаев «Челсидің» «Тоттенхэмнен» 1:2 есебімен ұтылған матчының екінші таймында Эштевауды алмастырып, алаңға шыққан. Осы кездесу алдында Алонсо Сәтбаев туралы: «Мен Дастанды Алматы кезінен білемін. Ол доп тигенде қауіп төндіреді, ортаңғы дәлізге жақсы шабады және флангтан ортаға ойысатын шабуылшы рөлінде жақсы көрінеді», — деп айтқан екен.
Дастан Сәтбаевтың «Бернлиге» жалдау келісімі бір маусымға есептелген. «Бернли» ағылшын футболының екінші деңгейлі дивизионы — Чемпионшипте ойнайды. Қазақстандық футболшы жаңа клубы үшін бірінші турдың үй кездесуінде «Вест Хэмге» қарсы дебют жасауы мүмкін.
