Ағылшындық «Бернли» клубы жексенбіде, 16 тамызда, «Вест Хэммен» Чемпионшиптің бірінші турында сынға түседі. Матч қазақстандық уақыт бойынша сағат 20:00-де басталады. Осы кездесуде қазақстандық шабуылшы Дастан Сатпаевтың «Бернли» құрамында дебют жасауы мүмкіндігі айтылып отыр.
Өткен маусымда екі команда да Ағылшын премьер-лигасында ойнаған болатын, алайда чемпионат қорытындысы бойынша екеуі де екінші дивизионға шығып кетті: «Вест Хэм» 18-орында, ал «Бернли» 19-орында тұрақтады.
Жаңа маусымның басында клубтар Ағылшын лигасы кубогында өнер көрсетті. «Бернли» бірінші раундта «Ноттс Каунтимен» кездесіп, негізгі уақытта 1:1 есебімен тең түскеннен кейін пенальти сериясында 4:3 есебімен жеңіске жетті. Ал «Вест Хэм» «Портсмутты» 3:1 есебімен жеңді.
Тараптардың соңғы кездесуі осы жылдың ақпан айында Ағылшын премьер-лигасында өтіп, «Вест Хэмнің» 2:0 есептік жеңісімен аяқталған еді.
