«ПСЖ» Аякстың бельгиялық вингерін 55 миллион еуроға сатып алуға келісті
«Пари Сен-Жермен» Аяксдың 21 жастағы бельгиялық вингері Мики Годтстың трансферіне қатысты келісімге қол жеткізді, деп хабарлайды инсайдер Фабрицио Романо.
«Пари Сен-Жермен» клубы Амстердамдық «Аякспен» 21 жастағы бельгиялық шабуылшы-вингер Мики Годтстың ауысуы жөнінде келісімге келді. Бұл туралы белгілі инсайдер Фабрицио Романо өзінің X желісіндегі парақшасында хабарлады.
Париждіктер футболшы үшін ұсынысын жақсартып, 55 миллион еуро төлеуге дайын екенін білдірді. Аяксдың басшылығы бұл шартпен келісім берді, дегенмен трансфердің ресми рәсімделуі әлі аяқталған жоқ — қажетті құжаттарға қол қою процесі жалғасуда.
Мики Годтс «Аяксте» 2023 жылдың қаңтарынан бері ойнайды, ол клубқа Генктен ауысқан болатын. Ағымдағы маусымда бельгиялық футболшы төрт матчқа қатысып, бір гол соғып, үш голдық пас берген.
Бұған дейін «Барселонаның» шабуылшысы Ферран Торрестің де «ПСЖ» құрамына ауысатыны туралы хабарланған еді.