Сатпаев «Стэмфорд Бридждегі» алғашқы матчін өткізе ме?
«Челсидің» қазақстандық шабуылшысы Дастан Сатпаев 15 тамызда клубтың басты стадионы «Стэмфорд Бридждегі» алғашқы матчін өткізуі мүмкін. Бұл — «Реал Сосьедадпен» өтетін жаттығу кездесуі.
«Челсидің» құрамындағы қазақстандық шабуылшы Дастан Сатпаев осы аптаның сенбісінде клубтың басты алаңы «Стэмфорд Бридждегі» тұңғыш матчін өткізуі мүмкін. Ағылшын клубы жаңа маусымға дайындықтың соңғы жаттығу кездесуінде испандық «Реал Сосьедадпен» кездеседі.
Матч Лондонда өтеді, оның басталу уақыты қазақстандық уақыт бойынша сағат 18:00-ге белгіленген.
Дайындық кезеңінде Сатпаев «Челси» құрамында төрт кездесуге шыққанымен, жалпы алаңда небәрі 111 минут болды. Соған қарамастан, қазақстандық шабуылшы клуб түсінде дебюттік голын соғып та үлгерді — ол «Вестерн Сидней Уондерерс» австралиялық клубына қарсы өткен матчта (есеп 6:4) тіркелді.
Осылайша, «Реал Сосьедадпен» өтетін кездесу Сатпаев үшін «Стэмфорд Бридж» стадионындағы алғашқы шығуы болуы мүмкін, бұл қазақстандық жанкүйерлер үшін ерекше маңызды сәт саналады.