Өзбекстандық БАҚ «Қайраттың» Чемпиондар лигасынан шығуына пікір білдірді
Өзбекстанның Daryo.uz порталы алматылық «Қайраттың» болгариялық «Левскиден» жеңіліп, Чемпиондар лигасынан шығып қалуына назар аударды.
Өзбекстандық Daryo.uz басылымы алматылық «Қайраттың» Еуропа Чемпиондар лигасындағы сапарын аяқтауына орай материал жариялады. Мақала «Қазақстан клубы Чемпиондар лигасынан жолдама алмай қалды» деген тақырыппен шықты.
Онда «Қайраттың» үшінші сараптау кезеңінің қайтарым кездесуінде болгариялық «Левскиге» 0:1 есебімен ұтылып, турнирден шығып қалғаны айтылады. Кездесудің жалғыз голын 13-минутта Рейналдо соққан.
Матч Түркістан Аренасында өтті. Өзбекстандық журналистер екі кездесудің қорытындысы бойынша «Левскидің» жалпы есеп бойынша 2:0 үлкен есеппен жеңіске жетіп, плей-офф кезеңіне жолдама алғанын атап көрсетті.
Сонымен қатар Daryo.uz «Қайраттың» осыған дейін алғашқы екі сараптау кезеңінен сәтті өткенін ерекше атап өтті. Алматылық клуб Чемпиондар лигасының топтық кезеңіне жетуге бір қадам қалғанда тоқтап қалды.