Қазақстандық дзюдошы Жалғас Қайролла Абу-Дабиде (БАӘ) өтіп жатқан дзюдодан Grand Slam сериясындағы турнирде қола медаль үшін өткен белдесуде жеңіліп қалды.
Үшінші орын үшін өткен кездесуде оның қарсыласы словениялық Игорь Цуркан болды. Белдесу иппонмен Цурканның пайдасына аяқталды. Ол шешуші сәтке дейін 10:0 есебімен алда тұрған.
Турнирдің бастапқы кезеңінде Қайролла бразилиялық Габриэль Фалькао мен украиналық Владислав Колобовты жеңді. Алайда ширек финалда Молдова өкілі Петру Пеливанға есе жіберіп, жарысты жұбаныш белдесулері арқылы жалғастырды.
Жұбаныш раундында қазақстандық дзюдошы қырғызстандық Чингизхан Сагыналиевті жеңді. Бұл белдесуде Сагыналиев үш ескерту алып, дисквалификацияланды.
Айта кетейік, мамыр айында Қайролла Qazaqstan Barysy Grand Slam турнирінде алтын медаль алған еді. Абу-Дабидегі жарыс 29-31 қазан аралығында өтіп жатыр.
