Қазақстанның ерлер құрамасы семсерлесудің шпага түрі бойынша Халықаралық семсерлесу федерациясының командалық рейтингінде алғаш рет бірінші орынға шықты.
Тарихи жетістікке марокколық Касабланкада өткен әлем кубогы кезеңіндегі жеңістен кейін қол жеткізілді. Шешуші кездесуде қазақстандықтар Ресейден 45:40 есебімен басым түсті.
Жартылай финалға жол ашқан матчта Қазақстан Францияны да 45:40 есебімен жеңді. Ал ширек финалда ұлттық құрама Египетті дәл осы есеппен ұтты.
Құрам сапында Александр Федотов, Кирилл Павлов, Кирилл Проходов және Вадим Шарлаимов өнер көрсетті.
Осы маусымда қазақстандық шпажашылар Азия және әлем чемпионы атанды. Бұған дейін олар Жапонияда өткен 2026 жылғы Азия ойындарында да алтын медаль жеңіп алған еді.
