Сәкен Бибосынов жаттығуда ауыр жарақат алып, ауруханаға түсті
2020 жылғы Олимпиаданың қола жүлдегері Сәкен Бибосынов омыртқасынан ауыр жарақат алып, ауруханаға жеткізілді. Осыған байланысты ол Қазақстан чемпионатына қатыспайды.
2020 жылғы Олимпиаданың қола жүлдегері Сәкен Бибосынов жаттығу кезінде ауыр жарақат алып, ауруханаға түсті. Оның омыртқасына зақым келгені хабарланды.
29 қазанда Тараз қаласында Қазақстан чемпионаты басталады. Алайда бұл жарыста Бибосыновты көре алмаймыз.
Журналист Аслан Қаженовтің айтуынша, былтырғы жаттығу барысында болған жарақат салдарынан боксшы медициналық көмекке жүгінген. Оған тезірек сауығып кету тілегі айтылды.
Сәкен Бибосынов Қазақстан құрамасындағы ең маңызды боксшылардың бірі саналады. Әуесқой рингтегі соңғы ірі жетістігі — 2025 жылдың желтоқсанында IBA әлем чемпионатында Вячеслав Рогозинді финалда ұтып, екі дүркін әлем чемпионы атануы.
Кәсіпқой бокста да ол әлі жеңілмеген. Бибосынов 28 тамыз күні Астанада өткен соңғы жекпе-жегінде Намибия өкілі, WBO Africa чемпионы Иммануэль Джозефті төрешілердің бірауызды шешімімен жеңген еді.