2027 жылғы дзюдо әлем чемпионатының туы Қазақстанға табысталды
Халықаралық дзюдо федерациясы 2027 жылғы әлем чемпионатының туын Қазақстанға ресми түрде тапсырды. Бакуде өткен салтанатты рәсімде Астанаға берілген құрмет белгісі ел спорты үшін маңызды оқиға болды.
Халықаралық дзюдо федерациясының бас хатшысы Лиза Аллан 2027 жылғы әлем чемпионатының туын Қазақстан дзюдо федерациясына салтанатты түрде табыс етті.
Бұл рәсім Бакуде, әлем чемпионаты аясында өтті. Жауапты сәтте Қазақстан 2027 жылғы дүниежүзілік біріншілікті қабылдайтын ел ретінде ресми мәртебе алды.
2027 жылғы дзюдодан әлем чемпионаты Астанада 7-14 маусым аралығында өтеді. Бұл дода Қазақстан тарихындағы екінші әлем чемпионаты болмақ.
Сондай-ақ аталған турнир 2028 жылы Лос-Анджелесте өтетін Олимпиада ойындарына іріктеу кезеңдерінің бірі ретінде маңызды рөл атқарады.
«2027 жылғы дзюдо әлем чемпионатының туы Қазақстанға ресми түрде тапсырылды»