Овечкин НХЛ-дегі «Вашингтон» рекордына бір табан жақындады
Александр Овечкин маусымдағы алғашқы ойында голға берілген нәтижелі пас авторларының қатарына кіріп, «Вашингтон Кэпиталз» клубының тарихи көрсеткішіне жақындады. Енді оған рекордты қайталау үшін үш, ал жаңарту үшін төрт пас жетіспейді.
«Вашингтон Кэпиталз» шабуылшысы әрі капитаны Александр Овечкин НХЛ-дің тұрақты чемпионаттарында клуб тарихындағы нәтижелі пас рекордына жақындай түсті.
Маусымның алғашқы кездесуінде «Каролина Харрикейнзге» қарсы ойында Овечкин Алекс Тактың бірінші шайбасы соғылған эпизодта екінші ассистент атанды. Қақпаға бағытталған сол шабуыл матчтың 7-минутында голмен аяқталды.
Овечкин жаңа маусымды НХЛ-дегі 758 нәтижелі паспен бастаған еді. Осы пасынан кейін оның көрсеткіші 759-ға жетті.
«Вашингтон» клубы тарихындағы рекорд швед шабуылшысы Никлас Бэкстремге тиесілі. Оның еншісінде 762 нәтижелі пас бар.
Осылайша, Овечкинге Бэкстремнің межесіне жету үшін тағы үш ассист, ал клубтың көшін жалғыз бастау үшін төрт нәтижелі пас қажет.
Ролидегі матч «Вашингтонның» 5:2 есебімен жеңісімен аяқталды. Бұл ойында Так дубль жасады, ал Овечкин бір нәтижелі пас беріп, жаңа маусымдағы алғашқы ұпайын тіркеді.