Александр Овечкин мансабын аяқтаған соң қайда тұратынын айтты
«Вашингтон Кэпиталз» капитаны Александр Овечкин НХЛ-дегі мансабынан кейін отбасысымен бірге Ресейде тұруы мүмкін екенін мәлімдеді. Ол АҚШ-тағы сынға қарамастан, Ресей мен бейбітшілікке қолдау білдіретінін айтты.
«Вашингтон Кэпиталз» капитаны Александр Овечкин Ұлттық хоккей лигасындағы мансабын аяқтағаннан кейінгі жоспары туралы айтты. Бұл оның Ресейдегі сайлау ролигіне қатысуына байланысты АҚШ-та сын күшейген тұста жария болды.
Журналист Сэмми Силбер жариялаған видеода Овечкин НХЛ-дегі ойындарын тәмамдаған соң, ең ықтимал нұсқа ретінде Ресейде отбасымен бірге тұратынын жеткізді.
«Видеоға келсек — мен руспын. Хоккей ойнауды аяқтағанда, мен, шамасы, сол жақта тұрамын, балаларым да, отбасым да сол жақта тұрады. Мен бейбітшілік пен сүйіспеншілік жағындамын. Бәрі жақсы болады деп үміттенемін. Менің үйім — Ресей, мұнда, Вашингтонда, менің екінші үйім бар, мұнда достарым көп. Бәрі жақсы болады деп сенемін», — деді Овечкин.
Хоккейші Ресей мен бейбітшілікке қатысты ұстанымын да бөлек атап өтті.
«Мен руспын және өз елімді қолдаймын. Мен бейбітшілік пен сүйіспеншілік жағындамын, әлемнің кез келген жеріндегі адамдар да бейбітшілікті қалайды деп үміттенемін», — деді ол.
Бұған дейін «Вашингтон» капитанының роликке қатысуына байланысты арнайы мәлімдеме жасаған. Клуб өкілі Сергей Кочаров Овечкиннің Ресей азаматы екенін, маусымаралық кезде отбасымен Мәскеуде тұратынын және мансабын аяқтаған соң да сонда қоныстанатынын айтқан.
Овечкин бұған дейін де карьерасын аяқтағаннан кейін Мәскеуге оралуды жоспарлап жүргенін айтқан. Тамыз айында ол Мәскеуді туған қаласы деп атап, онда туыстары, жақындары мен достары бар екенін жеткізген.
17 қыркүйекте Овечкин 41 жасқа толды. 2026/27 маусымында ол НХЛ-дегі 22-маусымын «Вашингтон» сапында өткізеді. Қазіргі сәтте ресейлік шабуылшы лиганың тұрақты чемпионаттардағы ең көп гол соққан ойыншысы саналады — 1573 матчта 929 шайба.